Nagkaroon ng dalawang araw na UBE Investment Forum, Young Farmers Product Expo at Kadiwa Retail Store sa City Mall, Brgy. Ilaya, Calapan City. Pinangunahan ito ng DA-MIMAROPA sa pamamagitan ng Agribusiness and Marketing Assistance Division (AMAD) at sinuportahan ng pamahalaang lungsod sa pangunguna ni Mayor Malou Flores-Morillo. Layunin ng aktibidad na pagsama-samahin ang mga nasa industriya ng UBE, talakayin ang mga bagong pakikipag-ugnayan at hikayatin ang pagpapakilala ng mga produkto sa publiko at merkado.