DAPAT paghandaan ang depensa at hakbangin ng bansa sa mga polisiya at seguridad nito.

Ito ay ayon Kay Sen. Francis “Chiz” Escudero kung saan ay ipinaliwanag niya na ang Pilipinas ay gumagawa ng malaking hakbang patungo sa isang independent foreign policy sa pamamagitan ng pag-unlad ng lokal na industriya ng depensa sa pamagitan.ng muling pagbuhay ng Self-Reliant Defense Posture (SRDP) program.

Sinabi ni Escudero na ang SRDP, na lalagdaan bilang batas ni Pangulong Ferdinand Marcos Jr. bukas, Oktubre 8, 2024, ay “magkakaroon ng malaking epekto sa ekonomiya dahil hindi lamang ito lilikha ng mga bagong trabaho kundi magreresulta rin sa pagtitipid ng dayuhang salapi para sa gobyerno.”

“It is high time for the Philippines to reduce its reliance on its allies for the supply of its defense requirements. We have the capability to produce materiel that matches the quality of our international suppliers and with the right amount of support, they will one day be able to scale up their production and supply 100 percent of our needs,” sabi ni Escudero.

Isang prayoridad na hakbangin sa ilalim ng Philippine Development Plan 2023 hanggang 2028 at ng Legislative-Executive Development Advisory Council, ang SRDP ay naglalayong tiyakin na ang mga pangangailangan sa depensa ng bansa ay matutugunan sa pamamagitan ng pag-unlad ng lokal na industriya ng depensa.

Magbibigay ng prayoridad sa mga lokal na supplier at mga negosyo sa bansa at tanging sa mga kaso kung saan hindi magagawa sa lokal ang pagmamanupaktura, serbisyo o operasyon ng mga materyal o bahagi lamang isasaalang-alang ang mga banyagang bidder.

Nagbibigay ang SRDP ng mga insentibo sa mga tagagawa upang magtatag o ilipat ang produksyon o pag-assemble ng mga materyal sa Pilipinas, habang tinitiyak ang proteksyon ng mga lokal na katapat laban sa hindi patas na kompetisyon.

Isa pang mahalagang probisyon ng batas ay tungkol sa countertrade at offset, na sinabi ni Escudero ay magpo-promote ng “technology transfer” na magreresulta sa pagpapabuti ng mga proseso, pamantayan, at kahusayan sa pagmamanupaktura ng mga materyal.

“Isa sa hangarin ng SRDP ay ang pagiging exporter ang Pilipinas ng mga kagamitang militar. Sa pag-unlad ng lokal na industriya, lalawak ang kanilang merkado at lalaki rin ang kita ng ating mga mamamayan na kabilang sa mga industriyang ito,” dagdag niya.

Ang batas ay lumilikha ng Office of the Undersecretary for Defense Technology Research and Industry Development sa loob ng Department of National Defense (DND).

Ang SRDP program ay nagsimula sa Presidential Decree 415 noong Marso 19, 1974, at kalaunan ay inamendahan ng PD 1081 noong Pebrero 1, 1977.

Sa mga pampublikong pagdinig ng Committee on National Defense and Security, Peace, Unification and Reconciliation tungkol sa panukalang ito, binanggit ng DND na ang Pilipinas ay pangunahing umaasa sa mga pamahalaan-sa-pamahalaan na procurement para sa mga pangangailangan nito. Ang tinatayang halaga ng mga import na may kinalaman sa militar ay nasa US$305 milyon noong 2022.

“Isang malaking hakbang din ito sa pagpapatupad ng hangarin ng administrasyong Marcos na magkaroon tayo ng independent foreign policy. We will no longer be at the mercy of the whims of our ally suppliers whose sentiments toward us could shift abruptly with a change in leadership,” ani Escudero.

Ang Senate Bill No. 2455 ay inisponsoran ni Senate President Pro Tempore Jinggoy Estrada at kabilang sa mga may-akda nito sina mga Senador Juan Miguel Zubiri, Joel Villanueva, Loren Legarda, Ramon Revilla Jr., Imee Marcos at Estrada.