MATAPOS ang ilang ulit na katiting na price cut, P3.60 kada litro ng gas, P2.90 per litro sa diesel at P3.30/litro sa kerosene ang ibabawas simula alas-6:01 sa Martes, Abril 15.

Ito ang price adjustment ng Petron Corporation, Pilipinas Shell, Chevron Philippines, Seaoil at Flying V.

Ganito rin ang price cut ng PTT Philippines at Total Philippines simula rin ng alas-6:01 ng umaga.

Bawas presyo din ang Petro Gazz, Unioil, Phoenix Petroleum at Eastern Petroleum simula ng parehong oras habang alas-8:01 naman ang Clean Fuel.