PABOR si Finance Secretary Benjamin Diokno na palayasin na ang mga Philippine Offshore Gaming Operators (POGO) sa bansa dahil sa negatibong epekto nito sa lipunan.

Ayon kay Diokno hindi maitatanggi na mayroong reputational risk ang mga POGO na pinagbawalan ang operasyon sa mga bansa gaya ng China at Cambodia.

Sinabi rin ni Diokno na ang kita mula sa POGO ay bumagsak na sa P3.9 bilyon noong 2021 mula sa P7.2 bilyon noong 2020.

Tumaas din ang kaso ng kidnapping sa bansa dahil sa mga POGO kung saan nagtatrabaho ang maraming Chinese.