RIZAL Park—Mahigit 30 food joints ang nag-alok ng Cebu lechon, chicken inasal, Ilocos empanada at Bicol Express sa lugar na ito noong Abril 3 sa “Philippine Eatsperience” para ipagdiwang ang Filipino Food Month 2024.

Bukas na sa publiko ang bagong Filipino fiesta-themed food at lifestyle market sa Noli Me Tangere Garden sa Luneta simula Huwebes na nagbebenta ng iba’t-ibang regional cuisine sa loob ng isang taon.

Pinangunahan ni Tourism Secretary Christina Garcia Frasco ang tradisyonal na pot breaking para ilunsad ang “Philippine Eatsperience.”

Layunin ng program na ihain ang mga pagkaing Pilipino sa lahat ng tao.

“Ngayon, nagtitipon tayo dito sa Rizal Park hindi lang para tikman ang masaganang lasa na iniaalok ng ating bansa kundi para kilalanin ang pagkaing Pilipino at mga lutuing mahalaga sa atin.

Ang Kagawaran ng Turismo ay ganap na nakatuon sa gawain ng pag-iingat at pag-angat ng ating mga ari-arian sa pagluluto,”sabi ni Frasco.

Sinabi ni Secretary Frasco na nagsusumikap ang DOT mag-alok sa mga manlalakbay ng tunay na lasa ng Filipino hospitality, habang bumibisita sa mga nangungunang destinasyon tulad ng Rizal Park at Intramuros.

Dinala ng Tourism chief at mga bisita sa Baluarte Plano Luneta de Sta. Isabel sa Intramuros kung saan mahigit 30 food junctions, cooking demonstrations at food taste pagtikim ang naghihintay sa mga gutom na biyahero sakay ng Philippines Hop-On-Hop-Off buses.

“Inaanyayahan ko kayong lahat na ipagdiwang ang Filipino culinary spirit habang inilalagay namin ang mga lasa ng Filipino sa spotlight ng turismo ng Pilipinas at ipinakita sa mundo ang maraming dahilan para mahalin ang Pilipinas,” dagdag ng pinuno ng turismo.

Kabilang sa mga naroroon sina Ambassador Abdul Malik Melvin Castelino Anthony ng Embassy of Malaysia at Ambassador Tull Traisorat ng Royal Embassy of Thailand.