ISANG emergency loan program ang inihahanda ng Government Service Insurance System (GSIS) para matulungan ang mga miyembro at pensyonado nito na nasalanta ng bagyong Florita.

Ayon sa GSIS ang may mga dati ng emergency loan ay makakautang ng hanggang P40,000 upang mabayaran ang kanilang dating loan at makapag-uwi ng P20,000.

Ang mga wala namang kasalukuyang emergency loan ay maaaring umutang ng P20,000.

Maaari umanong mag-aplay ang mga miyembro ng GSIS na naninirahan at nagtatrabaho sa mga lugar na naapektuhan ng bagyo.