Magsisimula na sa Lunes, Agosto 7 ang enrollment sa mga pampublikong paaralan sa bansa.

Ayon sa Department of Education (DepEd) magtatagal ang enrollment hanggang Agosto 26.

“Enrollment shall start on August 7, 2023 and shall end on August 26, 2023,” ayon sa DepEd Order No. 22 series of 2023 o ang Implementing Guideline on the School Calendar and Activities for the School Year 2023-2024 na pirmado ni Vice President at Education Secretary Sara Duterte.

Ito ay bukod pa sa early registration na isinagawa ng DepEd noong Mayo 10 hanggang Hunyo 9, 2023 para sa mga papasok ng Grade 1, 7, at 11.

Ang unang araw ng klase para sa SY 2023-2024 ay magsisimula sa Agosto 29, 2023 at magtatapos sa Hunyo 14, 2024.

Ang mga pribadong eskuwelahan ay maaari namang hindi sumabay sa pagbubukas ng public schools basta hindi lalagpas ng buwan ng Agosto.