SAN JOSE, Batangas–Nagtipun-tipon noong Martes ang mga mamamayan sa pangunguna ng Mayor Kap Reggie Arada Virtucio para sa pagsisimula ng 259th anniversary ng San Jose at Egg Festival 2025.

Sabay-sabay na inialay ang pasasalamat at panalangin para sa mas maunlad, mas ligtas, at mas nagkakaisang Bagong San Jose.

Inilahad ni Christine Leyson, Tourism Section Head, ang mga nakaabang na aktibidad para sa Foundation Week.

“Ito ay bilang pagpupugay sa diwa ng pakikisama at pagdadamayan sa gitna ng mga pangyayari sa ating bansa. Sa kabila nito, manatili ang saya kulay pagkakaisa, at pagmamahal sa ating bayan,” sabi ng mayor.