Calendar
Buong pagmamalaking sinamahan ni President Marcos sina SBP President Al Panlilio, SBP Chairman Manny V. Pangilinan, FIBA President Hamane Niang at House Speaker Martin Romualdez para sa isang souvenir photo matapos maitala ng Pilipinas ang bagong FIBA record sa crowd attendance.
Photo mula sa Presidential Communication Office
FIBA World Cup record binura ng mga Pinoy
GAYA ng inaasahan, ipinakita ng Pilipinas ang pagkakaisa at pagmamahal nito sa larong basketball.
At bagamat natalo sa Dominican Republic, 81-87, sa pagsisimula ng FIBA World Cup 2023 sa Philippine Arena sa Bulacan, naging masaya pa din ang madaming mga Filipino basketball fans.
Bakit?
Ito ay dahil naitala ng Pilipinas ang bagong FIBA record sa crowd attendance na 38,115 fans na nanood ng mga laro ng Italy laban sa Angola at Dominican Republic laban sa host Philippines.
Binura ng nasabing crowd attendance ang dating FIBA record na 32,616 manonood sa laro ng United States laban sa Russia sa 1994 World Cup final sa SkyDome sa Toronto, Canada.
Kabilang sa mga sumaksi sa historic moment sina Philippine President Ferdinand “Bongbong” Marcos Jr, House Speaker Ferdinand Martin Romualdez at FIBA President Hamane Niang.
“While the number of spectators was measurable in the venue, the breathtaking levels of passion and intensity shown by supporters were simply off the charts, ” ayon sa FIBA sa kanilang official social media page.
“We all knew the FIBA Basketball World Cup 2023 was going to be special and within the first day we already have evidence of this, having witnessed this historic moment,” sabi ni FIBA
Basketball World Cup 2023 Chairman, Richard Carrion in a statement
“Everyone inside the Philippine Arena will never forget the amazing levels of love for both basketball and the Philippines national team that was cascading around the venue.
“This is just the start for what will be the most memorable event in FIBA’s history and we’re all excited for what lies ahead – both on and off the court. Not only in the Philippines, but also in Japan and Indonesia.”
Gayundin nagpakita ng malaking kasiyahan si Samahang Basketbol ng Pilipinas (SBP) Chairman Emeritus Manny V. Pangilinan.
“Ever since we put in the bid to host the World Cup in 2015, the mission was to showcase the Filipino people’s love for basketball, pahayag ni Pangilinan.
“We often say we’re the best fans in the world, but beating the old FIBA attendance record has proven what we have believed all along. ”
“To the 38,115 fans at the Philippine Arena, thank you. The world definitely heard us.”
Ang FIBA World Cup 2023, na co-hosted din ng Japan at Indonesia, ay magpapatuloy hanggang Sept. 10.
