NAKI-KATHDEN na rin si First Lady Liza Marcos.

Ito ay matapos panoorin ng First Lady ang pelikula nina Kathryn Bernardo at Alden Richards na “Hello, Love, Again” sa VIP screening.

Nagpasalamat naman sina Bernardo at Richards kay First Lady Liza Marcos dahil sa pagtangkilik nito sa kanilang pelikula.

‘We’re grateful to her for making time for this. Ito ang cherry on top of all our executions for the film promos so we’re very grateful for getting the support from the First Lady,” pahayag ni Richards sa panayam ng ABS-CBN.

“Sobrang nagustuhan niya. It was like a happy cry from her, a fulfilled cry for her. Parang na-realize niya ‘yung home niya is her husband niya si President Bongbong Marcos. Bigla niyang hinanap si President. The film talaga resonates with a lot of people in different ways,” aniya.

Sinabi naman ni Bernardo na hindi niya akalain na panonoorin ni First Lady Liza Marcos ang kanilang pelikula.

“Her reaction after the movie was priceless. Grabe! Ang saya! Sabi niya it was a good cry naman. She enjoyed naman and she mentioned napanood niya rin ang first part,” pahayag ni Bernardo.

“I am just surprised sa mga nangyari today,” dagdag pa niya.