HINDI naiwasan ni First Lady Liza Marcos na maiyak habang kausap ang isang rescuer na namatayan ng pitong kaanak dahil sa bagyong Kristine.

Sa pagbisita ni First Lady Liza Marcos sa Talisay, Batangas, niyakap nito ang rescuer na si Edwin Mendoza nang mabatid na marami sa kanyang kaanak ang namatay.

Habang abala si Mendoza sa pag-rescue sa mga binaha ng bagyo, kasabay naman ang pagkawala ng pitong kaanak.

Binigyan ni First Lady Liza Marcos ng P250,000 na ayuda si Mendoza.

Patuloy pang pinaghahanap ang anim ng nawawalang kaanak ni Mendoza, kabilang na ang tatlong kapatid, dalawang pamangkin at bayaw.

Nagtungo si First Lady Liza Marcos sa Talisay para mamahagi ng ayuda.