𝗜𝗦𝗜𝗡𝗜𝗪𝗔𝗟𝗔𝗧 𝗻𝗶 𝗱𝗮𝘁𝗶𝗻𝗴 𝗖𝗲𝗯𝘂 𝗖𝗼𝗻𝗴𝗿𝗲𝘀𝘀𝗺𝗮𝗻 𝗮𝘁 𝗱𝗮𝘁𝗶𝗻𝗴 𝗠𝗮𝘆𝗼𝗿 𝗧𝗼𝗺𝗺𝘆 𝗢𝘀𝗺𝗲𝗻̃𝗮 𝗻𝗮 𝘁𝘂𝗺𝗮𝘁𝗮𝗻𝗴𝗴𝗮𝗽 𝗻𝗴 𝗣𝟭 𝗺𝗶𝗹𝘆𝗼𝗻𝗴 𝗽𝗮𝘆𝗼𝗹𝗮 𝗸𝗮𝗱𝗮 𝗹𝗶𝗻𝗴𝗴𝗼 𝘀𝗶 𝗱𝗮𝘁𝗶𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗖𝗵𝗮𝗿𝗶𝘁𝘆 𝗦𝘄𝗲𝗲𝗽𝘁𝗮𝗸𝗲𝘀 𝗢𝗳𝗳𝗶𝗰𝗲 (𝗣𝗖𝗦𝗢) 𝗚𝗲𝗻𝗲𝗿𝗮𝗹 𝗠𝗮𝗻𝗮𝗴𝗲𝗿 𝗮𝘁 𝗿𝗲𝘁𝗶𝗿𝗲𝗱 𝗣𝗼𝗹𝗶𝗰𝗲 𝗖𝗼𝗹. 𝗥𝗼𝘆𝗶𝗻𝗮 𝗚𝗮𝗿𝗺𝗮 𝗻𝗼𝗼𝗻𝗴 𝘀𝗶𝘆𝗮 𝗽𝗮 𝗮𝗻𝗴 𝗵𝗲𝗽𝗲 𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗡𝗮𝘁𝗶𝗼𝗻𝗮𝗹 𝗣𝗼𝗹𝗶𝗰𝗲 – 𝗖𝗿𝗶𝗺𝗶𝗻𝗮𝗹 𝗜𝗻𝘃𝗲𝘀𝘁𝗶𝗴𝗮𝘁𝗶𝗼𝗻 𝗮𝗻𝗱 𝗗𝗲𝘁𝗲𝗰𝘁𝗶𝗼𝗻 𝗚𝗿𝗼𝘂𝗽 (𝗣𝗡𝗣-𝗖𝗜𝗗𝗚) 𝘀𝗮 𝗗𝗮𝘃𝗮𝗼 𝗖𝗶𝘁𝘆.

Ang pagbubunyag ni Osmeña ay ginawa nito matapos siyang humarap at magbigay ng kaniyang testimonya sa ika-anim na pagdinig ng House Quad Committee na nag-iimbestiga sa mga kaso tulad ng Extra-Judicial Killing (EJK), illegal drug trade at illegal na operasyon ng Philippine Offshore Gaming Operator (POGO).

“I was made aware that in then previous hearing that Col. Garma said that our differences was personal. I just want you to know Mr. Chairman that I did not know her,” wika ni Osmeña.

Sinabi ni Osmeña na mahigpit nitong tinutulan ang pagtatalaga o paglipat ng assignment ni Garma (close kay dating Pangulong Rodrigo Roa Duterte) sa Cebu matapos itong makatanggap ng impormasyon na si Garma ay tumatanggap ng P1 milyong payola bilang hepe ng CIDG sa Davao City.

“If reports says that when Garma was head of CIDG she was collecting P1 million a week. I cannot accept this for Cebu City,” ayon pa kay Osmeña.