” Pinangalanan na ang Top 20 hopefuls na uusad sa ‘Solo Round’ ng ikalawang season ng biggest singing competition ng bansa na “Idol Philippines.” Hindi nga naging madali ang desisyon para kina Gary Valenciano, Regine Velasquez, Moira dela Torre, at Chito Miranda dahil sa ipinakitang performances ng bawat hopeful sa ‘Group Round’ at ‘Do or Die Round.”

16 slots na lang kasi ang natitirang pinaglabanan ng hopefuls dahil ang apat na platinum holders ay pasok na sa susunod na round. Sa darating na weekend, susukatin muli ang galing sa pagkanta ng natitirang hopefuls at malalaman na kung sino ang mapapabilang sa Top 12 at mag-aadvance muli sa “Live Gala Shows.”

Panoorin ang tumitinding kompetisyon sa “Idol Philippines” na napapanood sa Kapamilya Channel, A2Z, TV5, Kapamilya Online Live, iWantTFC, at TFC IPTV.