𝗣𝗜𝗡𝗔𝗣𝗨𝗥𝗜𝗛𝗔𝗡 𝗻𝗴 𝗖𝗵𝗮𝗶𝗿𝗽𝗲𝗿𝘀𝗼𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗧𝗼𝘂𝗿𝗶𝘀𝗺 𝗻𝗮 𝘀𝗶 𝗥𝗼𝗺𝗯𝗹𝗼𝗻 𝗟𝗼𝗻𝗲 𝗗𝗶𝘀𝘁. 𝗖𝗼𝗻𝗴. 𝗘𝗹𝗲𝗮𝗻𝗱𝗿𝗼 𝗝𝗲𝘀𝘂𝘀 “𝗕𝘂𝗱𝗼𝘆” 𝗙. 𝗠𝗮𝗱𝗿𝗼𝗻𝗮 𝗮𝗻𝗴 𝗴𝗶𝗻𝗮𝗻𝗮𝗽 𝗻𝗮 𝗴𝗿𝗼𝘂𝗻𝗯𝗿𝗲𝗮𝗸𝗶𝗻𝗴 𝗻𝗴 𝗯𝗮𝗴𝗼𝗻𝗴 𝗧𝗼𝘂𝗿𝗶𝘀𝘁 𝗥𝗲𝘀𝘁 𝗔𝗿𝗲𝗮 (𝗧𝗥𝗔) 𝗻𝗮 𝗶𝘁𝗮𝘁𝗮𝘆𝗼 𝘀𝗮 𝗕𝗮𝗿𝗮𝗻𝗴𝗮𝘆 𝗜𝗴𝗽𝗮𝗵𝗼, 𝗧𝘂𝗯𝘂𝗻𝗴𝗮𝗻 𝘀𝗮 𝗹𝗮𝗹𝗮𝘄𝗶𝗴𝗮𝗻 𝗻𝗴 𝗜𝗹𝗼𝗶𝗹𝗼.

Dahil dito, ipinahayag ni Madrona na ang pagpapatayo ng Tourism Department ng mga TRA sa ilalim ng mahusay na pamumuno si Secretary Maria Christina Garcia Frasco ay nagpapakita lamang na maganda ang “roadmap” na tinatahak ng ahensiya sa mga darating na panahon.

Ayon kay Madrona, diniseniyo ng Department of Tourism (DOT) ang mga TRA sa iba’t-ibang lalawigan upang maging kombinyente ang mga manlalakbay, dayuhan man o lokal na turista para makibahagi sila sa mga sikat na “outdoor activity” sa mga kilalang tourist destinations. Kung saan, kabilang sa mga aktibidades na ito ay ang trekking, camping, pagbibisikleta at iba pang aktibidades.

Naniniwala si Madrona na mas lalong nagiging kaakit-akit ang mga magagandang tanawin sa Pilipinas dahil sa mga TRA sapagkat mas pinapagaan nito ang kanilang paglalakbay at nahihikayat din ang mga turista na subukan ang mga nasabing outdoor activities.

Paliwanag din ng kongresista na pinapahusay ng mga TRAs ang karanasan sa paglalakbay sa pamamagitan ng pag-aalok ng mahahalagang amenities kagaya ng isang malinis na palikuran, pagkakaroon ng mga pasalubong center na sumusuporta sa mga lokal na micro, small and medium enterprises (MSMEs).

𝗧𝗼 𝗚𝗼𝗱 𝗯𝗲 𝘁𝗵𝗲 𝗚𝗹𝗼𝗿𝘆