HERMOSA, Bataan–Minonitor ni Mayor Ann Inton sa Hermosa Command Center ang development habang humahagupit ang bagyong Crising sa Luzon lalo na sa bayang ito.

Sinabi ni Mayor Inton na patuloy silang nakaantabay at nakikipag-ugnayan sa mga kinauukulang ahensya upang masigurong maagap ang pagtugon sa anumang sitwasyon.

Binaha sa bayang ito ang Almacen, Daungan at maging sa kabayanan dahil sa malakas na ulan.

“Manatili pong ligtas, maging alerto, at patuloy na subaybayan ang mga opisyal na anunsyo at balita hinggil sa lagay ng panahon. Ibayong pag-iingat po sa lahat,” dagdag ni Mayor Inton.