NAILAWAN ang apat na kilometrong Osmeña highway sa ilalim ng Skyway Stage 3 Project–mula sa Zobel Roxas Street–hanggang West Zamora dahil sa donasyong 1,162 LED tunnel lights ng San Miguel Corp.

Nagpasalamat sina Mayor Isko Moreno at Vice Mayor Chi Atienza sa kanilang donasyon.

Nagpapasalamat din si Yorme sa mga kawani ng City Electrician Office para sa pagsusumikap na maikabit ang mga ilaw sa lalong madaling panahon at sa BYD sa pagpapahiram ng sasakyan na ginamit sa pag iikot noong Huwebes ng madaling-araw.

“Maraming salamat sa San Miguel Corporation sa patuloy na suporta sa Maynila,” sabi ni Mayor Isko.