ILAN pang indibidwal ang itinalaga sa puwesto ni Pangulong Ferdinand “Bongbong” Marcos Jr.

Kabilang dito sina Benny Antiporda na itinalagang acting Administrator ng National Irrigation Administration (NIA), ayon sa Malacañang.

Si Antiporda ay dating Senior Deputy Administrator ng NIA at miyembro rin ng Board of Directors nito.

Itinalaga rin si Franz Josef George Espina Alvarez bilang acting President, Chief Executive Officer ng Philippine National Oil Company Exploration Corp.

Si Rosalia Villegas de Leon ay itinalagang National Treasurer ng bansa sa ilalim ng Bureau of the Treasury.

Itinalaga naman si Pedro Ramirez Laylo bilang Ambassador Extraordinary and Plenipotentiary sa bansang Israel.

Si Emmanuel Buenaflor Salamat ang itinalagang Executive Director ng National Secretariat of the National Task Force to End Local Communist Armed Conflict.

Si Epimaco Verano Densing III ay ginawang Undersecretary ng Department of Education.

Mananatili naman sa puwesto si J. Prospero de Vera III bilang chairperson ng Commission on Higher Education (CHED).

Si Ferdinand Galvez Sevilla ay napili na maging pangulo ng Philippine Public Safety College na nasa ilalim ng Department of the Interior and Local Government.

Si Monica Prieto Teodoro ang itinalagang Special Envoy of the President sa United Nations Children’s Fund.

Itinalaga naman si Alex Quiroz bilang chairman ng Governance Commission for Government-Owned or Controlled Corporations (GC-GOCC).