Pinasinayaan ang dalawang palapag na multipurpose building mula sa ABS-CBN Foundation noong Lunes sa Batangas Provincial Sports Complex sa Brgy. Bolbok, Batangas City. Dumalo si Provincial Disaster Risk Reduction and Management Council (PDRRMC) Chairperson Gov. Hermilando Mandanas sa turnover ng naturang gusali na kilala bilang Provincial Evacuation Center ng Batangas. Pinasalamatan ng gobernador ang ABS-CBN Foundation sa pagbibigay ng gusaling magagamit para masilungan ng mga tao tuwing may kalamidad at sakuna.