NAGPASALAMAT sina Francisco “Isko Moreno” Domagoso at Chi Atienza sa Iglesia ni Cristo (INC) sa pag-endorso sa kanila.

Kilala ang mga INC members sa tinaguriang “block voting” o pagboto sa sinumang kandidato na ieendorso sa mga lokal ng INC.

Bukod kina Domagoso at Atienza, nag-endorso rin ang INC ng mga tumatakbong kongresista at mga konsehal mula sa una hanggang ika-anim na distrito ng Maynila.

Hindi pa inilalabas ang mga napiling kandidato ng INC sa pagka konsehal at kongresista.

Naging alkalde si Domagoso noong 2019 ng talunin si dating Pangulong Joseph Estrada at namayapang si Alfredo Lim.

Mula sa pagdedeklara ng kanyang kandidatura hanggang sa huling isang linggo bago ang halalan, nananatiling lamang sa mga survey sina Domagoso at Atienza.