UMABOT sa halos P200 milyon ang jackpot prize ng Grand Lotto 6/55 sa bola noong Miyerkoles ng gabi.

Ayon sa Philippine Charity Sweepstakes Office (PCSO) walang tumama sa winning number combination na 48-31-42-40-11-50 kaya inaasahan na lalagpas na ito ng P200 milyon sa bola ng Grand Lotto sa Sabado.

Sa inilabas na datos ng PCSO, siyam ang nanalo ng tig-P100,000 matapos na makuha ang lima sa anim na numerong lumabas.

Tig-P1,500 naman ang 498 mananaya na nakaapat na numero at tig-P60 naman ang 14,705 mananaya na nakatatlong numero.