Looking forward na si Julia Montes na matuloy ang reunion project nila ng kaibigang si Kathryn Bernardo.

Matatandaang nagsimula pareho sina Kath at Julia as child stars sa Goin’ Bulilit.

Noong 2010 ay ginampanan naman nila ang iconic roles nina Mara at Clara sa remake ng “Mara Clara” at nasundan ito ng pelikulang “Way Back Home” in 2011.

Pagkatapos nito ay hindi na sila nagkasama pa dahil nagkaroon na nga ng perennial loveteam si Kathryn na walang iba kundi sa Daniel Padilla.

Sa recent interview kay Julia ay sinabi niyang excited siya na makasama ulit si Kathryn sa isang mature role.

“Actually, super excited, siyempre ‘yun nga yung sinasabi namin, kami ang original loveteam,” sey ni Julia.

Sana nga raw ay may producer na mag-pitch sa kanila ng magandang materyal.

“Looking forward kasi ang dami ng mature roles na napi-play ni Kath, so parang this year parang nandoon ako sa ‘surprise us’ kung ano ‘yung pwedeng roles na pwede naming gawin together.

Kasi nga ang dami na naming pwedeng i-explore this time around than before. So looking forward sa project na yon and sana matuloy anytime soon,” dagdag niya.

Sa ngayon, bukod sa “Saving Grace,” may dalawa pang bagong projects na ginagawa si Julia pero hindi pa pwedeng idetalye ang mga ito.

“For the project naman, soon ‘di pa namin pwedeng i-announce pero super dream project ko ‘to. It’s a film together with the big stars. Hindi ko inaakala na aabot ako sa buhay ko or sa career ko na makakatrabaho ko ang dalawang ‘to,” aniya.

“And (may) isa na special project. Ito for sure ma-e-excite ang marami, so abangan n’yo po ‘yan,” sey pa ng aktres.