MAGANDA umano ang ipinapakitang performance ng Mababang Kapulungan ng Kongreso dahil magaling ang pamumuno ni Speaker Ferdinand Martin G. Romualdez.

Ito ang sinabi ni Cavite Rep. Elpidio Barzaga Jr. matapos lumabas ang resulta ng mga survey kung saan mataas ang nakuhang rating ng Kamara de Representantes at ni Speaker Romualdez.

“It’s great to know that the public appreciates our work. That’s what happens when your leader is a go-getter like Speaker Martin; it makes all the difference,” sabi ni Barzaga.

Ayon kay Barzaga ang 56 porsyentong net satisfaction rating ng Kamara sa survey ng Social Weather Station noong Disyembre ay patunay na kinikilala ng nakararaming Pilipino ang mga ginagawa ng Mababang Kapulungan.

“This is another positive news for the House under the result-oriented leadership of Speaker Romualdez. It means that the work we do in the House of Representatives is resonating with the people,” ani Barzaga.

Ang resulta umano ng survey ay nagpapatunay na maganda ang pagtingin ng publiko sa ilalim ng panunungkulan ni Romualdez.

Sa survey ng Pulse Asia na isinagawa noong Marso, nakakuha naman si Speaker Romualdez ng 51 porsyentong approval rating.

Bago ang Holy Week break noong Marso, natapos na ng Kamara ang 23 sa 31 panukala na prayoridad na maisabatas ng Legislative-Executive Development Advisory Council (LEDAC). Nakabinbin ang karamihan nito sa Senado.