Matapos ang pagpanaw ng kanyang lolo last January 9, nagpahinga muna sa showbiz si Alden Richards at recently lang siya naglalalabas ulit.

Sa panayam ng kolumnistang si Dolly Ann Carvajal, tinanong niya ang aktor kung kumusta na siya after the huge success of “Hello, Love, Again” nila ni Kathryn Bernardo.

Sey ni Alden, “We appreciate all the love and support we got po for the film. It’s quite overwhelming for us, surreal, we feel so blessed. Actually, up to today po, we’re still having screenings abroad.

Tuloy-tuloy po siya.”

Sunod na tanong ni Dolly Ann, “Eh, kayo ni Kath, tuloy-tuloy pa rin?”

Tugon naman ng aktor, “So, right now po, she’s busy with her own thing, then ako po, parang pahinga rin po muna kami when it comes to work. But hopefully, we’ll see po kung magkaroon ng another project ulit.”

Asked kung in touch naman siya everyday kay Kathryn, anang aktor, “Ngayon po kasi, my grandfather po just passed away, so last January 9, after my birthday po. So ginamit ko po muna ‘yung time na ‘yun to recoup with my family. We’re on our way to my grandfather’s 40th po, actually, so du’n po muna ‘ko.”

Dagdag pa niya, “Ngayon lang po ako medyo lumalabas ulit.”

Tinanong din ang aktor kung nakiramay ba si Kathryn sa kanya, at sagot niya, “Yes, yes, I’m very grateful, she came to the wake po.”

Unfortunately ay hindi na-meet ni Kathryn ang kanyang lolo noong buhay pa ito pero inamin niyang plinano nila dati na ipakilala ang aktres sa pamilya niya.

“Supposedly, parang before, we planned to go to the house to meet also the family, but hindi na po nagkaroon ng chance, eh. Hindi na po umabot,” sey ni Alden.