NABINGWIT ng mga operatiba ng Manila Police District (MPD) ang isang 51-anyos na lalaki na may kasong 3 counts ng rape sa Ligas 2, Bacoor, Cavite noong Linggo.

Kinilala ni Police Lieutenant Colonel John Kawi Guiagui, hepe ng District Intelligence Division (DID), ang suspek na si alyas Weng.

Natiklo ang suspek dakong alas-9:00 ng gabi nang mamataan sa nasabing lugar sa bisa ng arrest warrant na isyu ni Judge Ma. Theresa Chan Bueno ng Regional Trial Court Branch 5 ng Manila.

Pinuri ni MPD chief P/BGen. Arnold Thomas Ibay ang mga pulis ng MPD sa pagsugpo sa kriminalidad.