PATAY ang isang lalaki na nagmamaneho ng e-bike nang masagi ng truck sa Mel Lopez Boulevard sa Tondo, Maynila noong Biyernes.

Kinilala ni Police Major Anthony Olgado, hepe ng Manila District Traffic Enforcement Unit, ang biktima na si Alejandro Ormenita, 56, ng 521 Inocencio St., Pasay City.

Ayon kay PMaj. Jaime Gonzales Jr., bandang alas-9:10 ng gabi ng maganap ang insidente habang binabaybay ng truck ang southbound lane ng Mel Lopez Blvd.

Pagsapit sa kanto ng Pacheco St., biglang sumulpot ang E-Bike na minamaneho ng biktima kaya nasagi ng truck.

Tumilapon ang biktima ng masalpok ng truck at tumakas ang truck driver matapos ang insidente.