HIMALANG nakaligtas ang lalaki nang barilin ng hindi nakilalang suspek sa Calamba City, Laguna noong Huwebes.

Sa report ni PLt. Col. Titoy Jay Cuden, hepe ng Calamba City police, bibili lang ng kambing ang biktima na si Jose Mari Alipio Masiris kasama si alyas Lec Lec nang barilin.

Base sa imbestigasyon, nagtungo ang biktima at kanyang kasama sa Purok 7, Brgy. Uno upang bumili ng kambing.

Habang nag-iintay ang biktima, biglang dumating ang suspek na armado ng hindi mabatid na kalibre ng baril at pinutukan ang biktima ng ilang beses. Tinamaan sa sikmura ang biktima.

Matapos mamaril, tumakas na ang suspek patungo sa Brgy. Halang ng naturang lungsod.