NAHAHARAP sa kasong homicide ang isang 36-anyos na babae matapos umanong patayin sa saksak ang kanyang live-in partner sa gitna ng mainit na pagtatalo nitong Martes ng gabi sa loob ng kanilang tahanan sa Quezon City.

Nasa kustodiya na ng Quezon City Police District Criminal Investigation and Detection Unit (QCPD-CIDU) ang suspek na tinuturong sumaksak sa 36-anyos din na biktima.

Base sa report nangyari ang krimen bandang alas 6:45 ng gabi nitong Martes sa bahay ng biktima at suspek sa Barangay Bahay Toro, Quezon City.

Ayon sa isang kapitbahay ng biktima at suspek narinig niya ang dalawa na nag aaway.

Pinuntahan niya sa bahay ang maglive-in upang awatin hanggang sa madatnan niya sa hagdan ang biktima na hawak ang tiyan na duguan dahil sa saksak.

Humingi naman ng tulong ang suspek kaya agad na isinugod sa ospital ang biktima.

Nabawi naman sa suspek ang kutsilyong ginawa sa krimen.

Idineklara namang dead on arrival sa Quezon City General Hospital ang biktima.