RODRIGUEZ, Rizal–Huli sa police operation ang isang lalaki dahil sa pag-iingat ng baril at shabu sa Lawaan St., Brgy. San Jose, Rodriguez, Rizal noong Sabado.

Naaresto ang suspek na si alyas Rey nang magsagawa ng buy-bust ang Municipal Drug Enforcement Team ng Rodriguez police sa koordinasyon ng Philippine Drug Enforcement Agency (PDEA).

Nakumpiska sa suspek ang 14.42 na gramo ng shabu na may presyong P98,056, buy-bust money, cash money, cellphone, sling bag at isang 12-gauge improvised pistol at bala.

Dadalhin sa Rizal Provincial Forensic Unit ang naarestong suspek pati ang mga narekober na ebidensya.