ISANG 26-anyos na lalaki ang tumalon sa riles ng Light Rail Transit Line 1 habang paparating ang isang tren noong Sabado ng umaga, Agosto 19.

Ayon sa inilabas na impormasyon ni Jorjette Aquino, Assistant Secretary for Railways ng Department of Transportation (DOTr), tumalon ang lalaki sa south bound track ng Blumentritt Station.

Nakapag-emergency brake naman ang operator nang makita ang lalaking tumalon.

Dahil dito ay pansamantalang nagpatupad ng provisional service ang LRT-1 at ang biyahe ay nilimita sa Baclaran hanggang Central Station at pabalik alas-6:12 ng umaga.

Ang tumalong lalaki ay dinala naman sa pagamutan.

Naibalik ang full operation ng LRT-1 alas-6:44 ng umaga.