Nagtipon ang mga opisyal at kasapi ng naghaharing partidong Lakas–Christian Muslim Democrats (CMD) sa buwanang pulong ng partido sa People’s Center sa Kapulungan ng mga Kinatawan noong Martes. Sa nasabing pulong, nanawagan ng pagkakaisa at kooperasyon ng iba’t ibang partido upang isulong ang prayoridad na lehislatibong adyenda ni Pangulong Ferdinand R. Marcos Jr. sa ilalim ng pamumuno ni Speaker Faustino “Bojie” G. Dy III.