PATAY ang 57-anyos na lalaki matapos pagsusuntukin ng helper sa Gate 12, Parola compound, Brgy. 20, Tondo, Manila noong Linggo.

Bandang ala-1:30 ng madaling araw ng mangyari ang panununtok sa biktimang si Manuel Manalo ni Raffy Cabacang, 37.

Nabatid sa imbestigasyon na nagkaroon ng alitan ang biktima at suspek at ilang sandali pa sinuntok na ng suspek ang biktima ng ilang beses hanggang bumagsak sa lupa at mawalan ng malay.

Pinayapa ang suspek ng mga bystanders na naroroon sa lugar habang ang biktima isinugod sa Gat Andres Bonifacio Memorial Medical Center kung saan idineklara siyang dead-on-arrival.