TODAS ang 20-anyos na lalaki ng barilin ng hindi pa kilala at nakatakas na mga salarin malapit sa kanyang bahay noong Linggo sa Arasity St., Brgy. Tinajeros Malabon City.

Naka-face mask at naka-bull cap ang bumaril sa biktimang si alyas Christian at naglakad lang ng tumakas patungo sa isang gas station sa Sisa St. ng naturang barangay.

Ayon kay Malabon police chief P/Col. Jay Baybayan, dakong alas-3:50 ng hapon nangyari ang pamamaslang matapos lapitan ng dalawang armadong lalaki ang biktima at pinaputukan ng tatlong beses.

Lumabas sa imbestigasyon ni P/MSg. Jeric Tindugan, may hawak ng kaso, na kamakailan lang ay inireklamo ang biktima dahil umano sa pagnanakaw ng bisikleta.