ARESTADO ang 32-anyos na lalaki ng mga tauhan ng Manila Police District Barbosa Police Station 14 dahil sa pagdadala ng baril sa Quiapo, Manila noong Lunes.

Nahaharap sa kasong paglabag sa Republic Act 10591 (Illegal Possession of Firearms and Ammunition) si Raymond Pantoja ng Fraternal St., Brgy. 385, Quiapo, Manila.

Batay sa ulat ni Police Major Salvador Iñigo Jr, hepe ng Station Investigation Management Branch (SIDMB), bandang ala-1:10 ng madaling araw ng masukol ang suspek sa P. Casal St., Quiapo nang mapansin ang kahina-hinalang kilos ng binata.

Nang kapkapan, nabuking ang dala nitong calibre .22 pistol na kargado ng bala.