Calendar
Iniharap ni PLt. Col. Alvin Christopher Baybayan, Station 2 commander ng MPD, ang suspek na natiklo dahil sa pagdadala ng paltik na baril.
Lalaki nahuli sa paltik, bala
NALAMBAT ng mga operatiba ng Moriones Police Station 2 ng Manila Police District (MPD) ang isang lalaki dahil sa pagwawasiwas ng paltik na baril sa panulukan ng Juan Luna at Chacon Sts., Tondo, Manila noong Biyernes.
Sa ulat ni Police Lieutenant Colonel Alvin Christopher Baybayan, commander ng MPD-Moriones Police Station 2, ala-1:00 ng madaling araw nang masita ang suspek na si alyas JC, 20, nina Police Staff Sergeant Danilo Villegas Jr. at Police Staff Sergeant Royce Jimenez.
Una nang namataan ang suspek na paikot-ikot sa lugar at tila may inaabangan.
Doon na nilapitan ng mga operatiba ang suspek at nakumpirmang may dalang paltik na baril at isang bala.
Kasong paglabag sa Section 28 (Unlawful Possession of Firearms and Ammunition) at Article V ng RA 10591 (Comprehensive Firearms and Ammunition Regulation Act) ang kinakaharap ng suspek.
