MALUBHA ang lagay ng lalaki na sinaksak ng nakaaway na babae sa eatery sa panulukan ng Herbosa at Lacson Sts. sa Tondo, Manila noong Miyerkules.

Inoobserbahan sa Jose Reyes Memorial Medical Center ang biktimang Marvin Roxas at hinahanap pa ang suspek na si Ericka Joy ng San Sebastian St., Tondo.

Base sa ulat ng mga pulis ng Raxabago Police Station 1 ng Manila Police District, bandang alas-12:05 ng madaling araw naganap ang insidente sa harap ng eatery sa naturang lugar sa Brgy. 109, Tondo.

Ayon sa imbestigasyon, nagkaroon ng mainitang pagtatalo ang dalawa hanggang sa masaksak ang biktima ng babae. Nakatarak pa ang patalim nang isugod sa ospital, ayon sa mga pulis.