NATIMBOG ng mga operatiba ng Manila Police District (MPD) ang lalaki dahil sa pagdadala ng baril sa T. M. Kalaw St., Ermita, Manila noong Huwebes.

Ayon sa mga pulis, posibleng manghoholdap si alyas Jose base sa interogasyon ng mga miyembro ng Ermita Police Station 5.

Batay sa ulat nina Police Staff Sergeant Rodolfo Balera at Police Staff Sergeant Argel Arbis, nahuli ang suspek bandang alas-5:30 ng umaga.

Kinapkapan ang suspek at nakuha sa baywang niya ang isang kalibre .22 na baril at apat na bala.

Kasong paglabag sa RA 10591 (Illegal Possession of Firearms and Ammunition) ang kakaharapin ng suspek.