TODAS ang 37-anyos na binata dahil sa tama ng bala sa ulo mula sa tumakas na salarin noong Miyerkules sa Pasay City.

Dedo ang biktimang si Cyris Ginn sanhi ng isang tama ng bala sa ulo habang tumakas ang gunman na nakaitim na bonnet.

Sa ulat kay Pasay police chief P/Col. Samuel Pabonita, lumabas ng bahay ang biktima dakong ala-1:50 ng hapon at naglakad-lakad sa Pag-asa E. Flores St., Brgy. 176 sa Malibay.

Ilang sandali pa biglang sumulpot ang naka-bonnet na salarin at malapitang binaril sa ulo ang biktima na naging sanhi ng agaran niyang kamatayan.