PATAY na at may tama ng bala ang lalaking natagpuan sa Arvin St., Purok 7, Lago Vista, Brgy. Pansol, Calamba City, Laguna noong Huwebes.

Ayon sa Calamba City police, hindi pa nakikilala ang biktima na may taas na 5’3, katamtaman ang pangangatawan, naka pulang shirt pants, asul na jacket at brown na tsinelas.

May mga tattoo din ang biktima sa kaliwang paa, tiyan at kanyang kamay.

Si alyas Arturo, 57, ang unang nakakita sa biktima dakong alas-8:10 ng umaga na duguan ang dibdib at wala ng buhay.

Ayon sa saksi, walang nakakakilala sa biktima na posibleng doon lamang itinapon ng mga suspek sa krimen.