CABANATUAN CITY–Nagdala si Nueva Ecija police chief P/Col. Ferdinand Germino ng maagang pamasko sa Bahay Pag-ibig sa Holy Angel Village sa Brgy. Telabastagan, San Fernando City, Pampanga noong Huwebes.

Nag-turnover ang pulis ng 10 sako ng bigas, mga Cakeland yema roll pastries at cash sa institusyon.

“Ang taunang panata na ito aking personal na pangako na ibalik at iangat ang mga nangangailangan.

Ang pamumuno hindi lamang tungkol sa awtoridad, kundi tungkol sa pagbibigay-malasakit,” ani Germino.

Ang Bahay Pag-Ibig isang non-government organization na itinatag bilang bahagi ng apostolate mission ng Archdiocese of San Fernando (Pampanga), na nakatuon sa pangangalaga sa mga pinakamahina sa lipunan.