𝗢𝗣𝗧𝗜𝗠𝗜𝗦𝗧𝗜𝗞𝗢 𝗮𝗻𝗴 c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗧𝗼𝘂𝗿𝗶𝘀𝗺 𝗻𝗮 𝘀𝗶 𝗥𝗼𝗺𝗯𝗹𝗼𝗻 𝗟𝗼𝗻𝗲 𝗗𝗶𝘀𝘁. 𝗥𝗲𝗽. 𝗘𝗹𝗲𝗮𝗻𝗱𝗿𝗼 𝗝𝗲𝘀𝘂𝘀 “𝗕𝘂𝗱𝗼𝘆” 𝗙. 𝗠𝗮𝗱𝗿𝗼𝗻𝗮 𝗻𝗮 𝗯𝗮𝗴𝗼 𝗺𝗮𝘁𝗮𝗽𝗼𝘀 𝗮𝗻𝗴 𝘁𝗮𝗼𝗻 𝗮𝘆 𝗶𝗻𝗮𝗮𝘀𝗮𝗵𝗮𝗻𝗴 𝗺𝗮𝘀𝘂𝘀𝘂𝗻𝗴𝗶𝘁 𝗮𝘁 𝗺𝗮𝗸𝗮𝗸𝗮𝗺𝗶𝘁 𝗻𝗴 𝗧𝗼𝘂𝗿𝗶𝘀𝗺 𝗗𝗲𝗽𝗮𝗿𝘁𝗺𝗲𝗻𝘁 𝗮𝗻𝗴 𝗶𝗻𝗮𝗮𝘀𝗮𝗺 𝗮𝘁 𝘁𝗶𝗻𝗮-𝘁𝗮𝗿𝗴𝗲𝘁 𝗻𝗶𝘁𝗼𝗻𝗴 𝟳𝟳 𝗺𝗶𝗹𝗹𝗶𝗼𝗻 𝘁𝗼𝘂𝗿𝗶𝘀𝘁 𝗮𝗿𝗿𝗶𝘃𝗮𝗹.

Sinabi ni Madrona na maaaring ilang hakbang na lamang ay makakamit din ng Department of Tourism (DOT) ang hinahangad nitong target matapos na maitala noong September 5 ng kasalukuyang taon na umabot ng 408 million ang tourist arrival o foreign visitors na nagtungo sa Pilipinas.

Ayon kay Madrona, malaki ang kaniyang paniniwala na kayang-kayang makamit ng nasabing ahensiya ang inaasam nilang target dahil may ilang buwan pa ang nalalabi bago magpaalam ang 2024. Kapos lamang ng 361 million para tuluyan ng masungkit ng DOT ang kanilang target at hindi malayong makuha nila ang kanilang inaasam sa pagpasok ng buwan ng Disyembre.

Pagdidiin ng kongresista na hindi maikakaila na sa tuwing papasok ang buwan ng Disyembre o holiday season ay dumadagsa sa Pilipinas ang napakaraming turista. Bukod pa dito ang mga balikbayan na pinipiling dito sa bansa nila ipagdiwang ang panahon ng Kapaskuhan.

Ipinahayag pa ni Madrona na sa pamamagitan ng impresibong datos na ito, malinaw na ipinapakita nito na walang pasubaling nakabangon na ng tuluyan ang Philippine tourism mula sa COVID-19 pandemic kung saan ang turismo ng bansa ang pinakaapektado.

Ayon din sa mambabatas, bunsod ng magandang “showing” ng turismo ng bansa, tinatayang nasa P362 billion mula Enero hanggang Agosto ng 2024 ang pumasok sa kaban ng pamahalaan na mas mataas sa P326 billion noong 2019.

𝗧𝗼 𝗚𝗼𝗱 𝗯𝗲 𝘁𝗵𝗲 𝗚𝗹𝗼𝗿𝘆