WALANG awang pinagbabaril ng mga nakatakas na suspek ang isang magsasaka sa harap ng kanyang asawa at anak sa San Juan, Batangas noong Martes.

Nakilala ang pinatay na si Dennis Pombuena Crisologo, 48, ng Sitio Silangan, Brgy. Calubcub 1st, San Juan at sina Apolonio at alyas Joselito ang mga suspek, ayon sa mga pulis.

Base sa imbestigasyon, biglang dumating ang mga suspek sakay ng motorsiklo bandang alas-7:00 ng gabi noong Nov 26 sa Sitio Silangan, Brgy. Calubcub 1st.

Tinawag ng mga suspek ang biktima at sa hindi malamang dahilan walang pakundangang pinagbabaril ng ilang beses at tumakas na patungo sa Brgy. Calubcub 1st highway.

Kitang-kita ng asawa at anak ng biktima ang pamamaslang sa biktima.

Tatlong basyo ng kalibre. 45 ang nakuha sa pinangyarihan ng krimen, ayon sa report.