PIPIRMAHAN ni Pangulong Ferdinand R. Marcos Jr. ang panukalang Maharlika Investment Fund bill bago ang kanyang ikalawang State of the Nation Address sa Hulyo 24.

Ito ang sinabi ni Budget Secretary Amenah Pangandaman na kasama sa mga dumalo sa Legislative-Executive Development Advisory Council (LEDAC) meeting sa Malacañang noong Hulyo 5.

Sinabi ni Pangandaman na itinutulak ng mga miyembro ng Gabinete na pirmahan na ng Pangulo ang MIF bill.

Natanggap ng Malacañang ang kopya ng pinal na bersyon ng MIF bill noong Martes, Hulyo 4.

Layunin ng panukala na magkaroon ng dagdag na mapagkukuhanan ng pondo para sa mga mahahalagang proyekto ng gobyerno.