KINUMPISKA ng National Bureau of Investigation – Intellectual Property Rights Division (NBI-IPRD) ang mga pekeng produkto na nagkakahalaga ng P425,225,115.31 sa mga operasyong isinagawa sa Valenzuela, Maynila, Taguig, at Pasay.

Sa bisa ng mga search warrant, nakuha ng mga awtoridad ang 1,608 assorted na produkto, 10 kahon ng mga bag, at tatlong kahon ng salamin na may tatak na “Louis Vuitton.” Bukod dito, nasamsam din ang 18,136 na pares ng pekeng tsinelas na may tatak naman na “Havaianas.”

Paalala ng NBI sa publiko, labag sa Republic Act No. 8293 (Intellectual Property Code of the Philippines) ang paggawa, pamamahagi, pagbebenta, at maging ang pagbili ng mga pekeng produkto.