ISANG mananaya sa Las Piñas ang nanalo ng P111.03 milyong jackpot prize ng GrandLotto 6/55 sa bola noong Lunes, Setyembre 4.

Ayon sa Philippine Charity Sweepstakes Office (PCSO) ang nanalo ay tumaya sa BFRV, Las Piñas City.

Isa lang ang nakakuha ng winning number combination na 55-50-06-45-12-40.

Tig-P100,000 naman ang tinamaan ng 16 mananaya na nakakuha ng limang lumabas na numero.

Nanalo naman ng tig-P1,500 ang 970 mananaya na nakaapat na numero at tig-P60 naman ang 18,658 mananaya na nakatatlong numero.

Ang mga nanalo ay mayroong isang taon para kubrahin ang kanilang premyo.