PINANGUNAHAN ng Provincial Engineering Office (PEO) ang pagbibigay-pugay sa bandila ng Pilipinas ng Pamahalaang Panlalawigan ng Batangas noong Lunes, ika-10 ng Marso 2025, sa RRMM DREAM Zone, Capitol Compound, Batangas City.

Sa kanyang mensahe at pagbati, patuloy na ipinaalala ni Governor Hermilando I. Mandanas sa mga kawani ng Kapitolyo ang kahalagahan ng paglilingkod ng tama sa mga kababayan, pagiging magandang halimbawa ng isang lingkod bayang may dangal at magiting, at ang paggawa ng mabuti at tapat sa lahat ng oras.