DEDBOL noong Biyernes ang isang lalake matapos pagbabarilin ng isang suspek habang nag-iinuman sa Sitio Maricacawan, Brgy. Quipot, San Juan, Batangas, ayon sa report kay Batangas police director P/Col. Jacinto Malinao, Jr.

Ayon sa report, nag-iinuman sa isang bahay kubo ang biktimang si Rumvic Samarita Manalo at ang mga suspek na sina alyas Romeo at alyas Severino dakong alas-4:20 ng hapon.

Makaraan ang ilang sandali at sa hindi pa malamang dahilan, bumunot ng baril ang isang suspek at walang sabi-sabing pinagbabaril ng ilang beses ang biktima na nag-resulta sa agarang kamatayan.

Naaresto ang suspek na si alyas Romeo pero naka-eskerda sina alyas Severino at alyas Benjie patungo sa gubat.