Calendar
Manila-Xiamen, China flight ng PAL ibabalik
INANUNSYO ng Philippine Airlines (PAL) ang pagbabalik ng Manila-Xiamen, China flight nito simula sa susunod na buwan.
Ayon sa PAL ang pagbabalik ng naturang biyahe ay magsisimula sa Enero 13, 2023 makalipas ang paghinto nito halos tatlong taon ang nakakaraan.
“The reopening of our Manila-Xiamen service is a happy development as we welcome the new year, and a good start for the restoration of our flights to and from the Chinese mainland. Philippine Airlines is continuously working towards flying back to more cities in China, with our goal of operating the largest network of flights between the Philippines and multiple cities in mainland China,” sabi ni PAL vice president for Sales Bud Britanico.
Ang PR 330 Manila-Xiamen ay tuwing Biyernes at aalis ng alas-7:30 ng umaga. Darating ito ng Xiamen Gaoqi International Airport ng 9:55 ng umaga.
Ang PR 331 Xiamen-Manila ay aalis naman ng alas-11:55 ng umaga at darating ng Maynila ng alas-2:30 ng hapon.
Gagamit ang PAL ng Airbus A330-300 aircraft sa naturang biyahe.
