TATLONG suspek na tulak ang nalambat sa buy-bust dahil sa pagdadala ng halos P300,000 halaga ng marijuana sa Brgy. Darangan Binangonan, Rizal noong Huwebes.

Natiklo sina alyas Aljo, 21; Angela, 19; at isang menor-de-edad dakong ala-1:11 ng hapon.

Narekober sa kanila ang mga pinatuyong dahon na pinaniniwalaang marijuana na may kabuuang bigat na 197.1 gramo at tinatayang may halaga na P295,650, limang P100 bill, paper bag, buy-bust money at isang motorsiklo.

Dinala sa Rizal Provincial Forensic Unit ang mga nasamsam na ebidensya sa tatlo.

Nahaharap sa kasong paglabag sa RA 9165 (Comprehensive Dangerous Drugs Act of 2002) ang mga naaresto.