MAS lalo pang lumaki ang kalamangan ni Davao City Mayor Sara Duterte sa kanyang mga kalaban sa pagkabise presidente.

Ayon sa survey ng Laylo Research na isinagawa mula Mayo 1 hanggang 4, nakapagtala si Duterte ng 63 porsyentong voter preference, mas mataas ng isang porsyento sa kanyang nakuha noong Abril.

Ang pumapangalawang si Senate President Tito Sotto ay nakakuha naman ng 16 porsyento, bumaba ng dalawang porsyento kumpara sa mas naunang survey.

Si Sen. Kiko Pangilinan naman ay nakapagtala ng 15 porsyento at sinundan ni Doc Willie Ong na nakakuha ng 4 porsyneto at Buhay Rep. Lito Atienza na may 1 porsyento.

Mayroong isang porsyentong undecided at 0.3 porsyento na iba ang piniling bise presidente.