NASA 30 sa 55 miyembro ng National Unity Party (NUP) ang inaasahang boboto pabor sa impeachment case laban kay Vice President Sara Duterte, ayon sa kumpirmasyon ni House Deputy Speaker at NUP Chairperson Ronaldo Puno.

Ayon kay Puno, malinaw na mayorya ng kanilang hanay ang pabor sa panukalang pagpapatalsik, habang papalapit ang botohan sa Articles of Impeachment na nakatakda sa Mayo 11.

Sa ilalim ng proseso sa Kamara, kinakailangan ng 106 na boto para maipasa at ma-transmit sa Senado ang impeachment case laban sa Bise Presidente para sa susunod na hakbang ng paglilitis.